МИЛОВ Михаил Андреевич
Өмүр сүргөн жылдары (1904—1977). Архитектор М. А. Милов Кострома облусунун Приволжск шаарында төрөлгөн, 1930-жылы Томск технологиялык институтунун архитектура бөлүмүн аяктаган, 1937-жылдан баштап Кыргызстанда иштеген. Улуу Ата Мекендик согуштун катышуучусу.
М. А. Милов республикадагы шаар куруу тармагында негизинен иштеген. Анын катышуусунда төмөнкү шаарлардын жалпы пландары иштелип чыккан: Рыбачье, Кок-Янгак, Таш-Кумыр, Нарын; райондук борборлор: Кант, Беловодское ж.б. Алгачкы жолу Кыргызстандагы курулуш практикасына М. А. Миловдун долбоору боюнча Фрунзе шаарында Шампанвинкомбинаттын аймагында типтүү долбоорлордун негизинде жашоо үйлөрүнүн кварталы курулган.
Архитекторлор республикада активдүү чыгармачылык ишмердүүлүгүн согушка чейин — өнөр жай потенциалын күчөтүү, жарандык курулуштун интенсивдүү мезгилинде башташкан. 1940-жылы кыргыздардын туруктуу жашоо образына өтүшү негизинен аяктаган, хутордук жайгашуу системасы жоюлган, он миңдеген үйлөр жана көптөгөн маданий-тиричилик объектилери курулган. 30-жылдардын аягында борбордук долбоорлоо институту «Горстройпроект» Фрунзе шаарын пландаштыруу жана реконструкциялоо схемасын аяктаган, бул Кыргызстандагы заманбап шаар куруунун башталышы болуп эсептелет.
Улуу Ата Мекендик согуш архитектураны Жеңиш үчүн кызмат кылууга чакырды. Башталган курулуштар убактылуу токтотулуп, республикадагы бардык курулуш потенциалы Батыш аймактарынан эвакуацияланган ишканаларды жайгаштыруучу имараттарды курууга багытталган. Ошол эле учурда бар болгон өндүрүштөрдү реконструкциялоо жүргүзүлгөн. Фрунзе, Ош, Токмак, Жалал-Абад, Кара-Балта шаарларында өнөр жай объектилерин куруу 18 жолу кеңейди, жаңы электр станциялары курулган. Эвакуацияланган калкты турак-жай менен камсыз кылуу маселеси өзгөчө курч турган. Шаарларда жана айылдарда жөнөкөй типтеги турак-жайлар — барактар, жатаканалар, жарым-жер астындагы үйлөр ж.б. курулган. Алар саман, таш, балчык, камыштан, сейрек болсо керамикадан курулган. Жарандык имараттарды куруу дээрлик жүргүзүлгөн эмес.