Огобаев Талант Курманбекович

Сүрөтчү. 1955-жылдын 25-сентябрында Фрунзе шаарында төрөлгөн. 1975-жылы Фрунзе көркөм өнөр училищесин аяктаган, андан кийин 1982-жылы Москва мамлекеттик көркөм искусстволор институтун В.И. Суриковдун атындагы, Т.Т. Салаховдун жетекчилигиндеги станок сүрөтчүлүгү боюнча бүтүргөн. 1984 жана 1987-жылдары СССР сүрөтчүлөр союзунун стипендиаты.

1988-жылдан бери СССР сүрөтчүлөр союзунун мүчөсү.

2005-жылы Австриянын Вальзее шаарында графика боюнча жайкы лагерде стажировка. 2006-жылы АКШдагы Сес Artslink конкурсуна финалист. 2006-жылы Vermont studio centr.да стажировка.

«Талант Огобаевдин искусствосу чыгармачылык импульстардын көп түрдүүлүгү менен тартат. Сүрөтчү дайыма ар башка. Лирикалык жана байкоочу станок сүрөтчүлүгү концептуалдык жесттин ачылыштары менен жашаат. Зат дүйнөсүнүн кооздугуна таң калуу абстракттуу бөлүнүүлөр менен органикалык жактан коңшулашып, билдирүүчүлүктү интенсивдүү издөөгө арналган» (А.Воронина). Сүрөтчүнүн эмгектери Кыргыз Республикасынын Г.Айтиева атындагы көркөм искусстволор улуттук музейинде, Мамлекеттик Третьяков галереясында, ошондой эле жакын жана алыс чет өлкөлөрдүн музейлеринде бар. СССР ВДНХсынын Күмүш медалы менен сыйланган.

Республикалык жана эл аралык көргөзмөлөрдүн активдүү катышуучусу.

Негизги эмгектери

Учуу каалоосу. 1988. Кенеп, май. 170x130.
Тереңдиктин үстүндө. 1988. Кенеп, май. 200x180.
Раджаб. 1989. Кенеп, май. 180x160.
Молитва. 1991. Кенеп, май. 100x80.
Рондо. 2005. Аралаш техника. 168x179.
Жарык. 2005. Аралаш техника. 168x179.
Кеч. 2005. Аралаш техника. 168x179.
Жоокердин жолу. 2005. Аралаш техника. 180x160.
Анамнез. 2005. Аралаш техника. 168x179.