Адылов Султан Адылович
Химия боюнча илимдердин кандидаты, доцент, профессор, Кыргыз Республикасынын илим жана техника тармагындагы Мамлекеттик сыйлыктын лауреаты.
1934-жылы төрөлгөн. 1957-жылы Москвадагы Д.И. Менделеев атындагы химия-технология институтун аяктаган.
Фрунзе политехникалык институтунда улук окутуучу, доцент болуп иштеген.
Учурда Кыргыз улуттук университетинин «Органикалык химия жана билим берүү технологиялары» кафедрасынын башчысы болуп иштейт.
Органикалык бирикмелерди синтездөө жана изилдөө боюнча адис.
Кыргыз Республикасынын элдик билим берүүнүн отличниги, Ж. Баласагын атындагы сыйлыктын лауреаты (1998), Кыргыз Республикасынын илим жана техника тармагындагы Мамлекеттик сыйлыктын лауреаты (2000). «Эмгек ветераны» медалы менен сыйланган (1986). Кыргыз Республикасынын билим берүү тармагындагы ардактуу кызматкер.
Анын жетекчилиги менен 3 кандидаттык диссертация коргоп алынган.
90дан ашык эмгек жарыяланган, анын ичинде 1 монография, 9 окуу китеби жана окуу куралы, 5 ойлоп табуунун автору.
Негизги ойлоп табуулар:
1. Активдештирилген алюминий катализаторун алуу ыкмасы. Автордук күбөлүк №412929,1973.
2. Кошулган эки эселенген байланыштары бар полимерлерди алуу ыкмасы. Автордук күбөлүк №498319,1975.
3. Полифенилендерди алуу ыкмасы. Автордук күбөлүк № 892217.1981.
4. Молибден хелаттарын алуу ыкмасы. Автордук күбөлүк № 1143692.1983.
5. Гексахлорбензолду алуу ыкмасы. Автордук күбөлүк № 1154881.1983.