Арзыбаев Момун Арзыбаевич

Ветеринардык илимдердин доктуру. 1950-жылы туулган. К.И. Скрябин атындагы Кыргыз айыл чарба институтунун ветеринардык факультетин аяктаган.

1987-жылы «Гельминттердин койлордун ашказан-ичеги трактына жана плацентардык жаныбарлардын эмбриондук өнүгүүсүнө таасири» темасында кандидаттык диссертациясын коргоп, ветеринардык илимдердин кандидаты даражасын алган.

2003-жылдан бери К.И. Скрябин атындагы Кыргыз агрардык университетинин биотехнология кафедрасын жетектеп келет. 2005-жылы Москва шаарында «Жергиликтүү чийки заттан антигельминттик каражаттарды иштеп чыгуу» темасында доктордук диссертациясын коргоп чыккан.

Агроөнөр жай биотехнологиясы боюнча ТМДнын Координациялык кеңешинин мүчөсү. Анын жетекчилиги астында жаныбарлардын инфекциялык ооруларынын молекулярдык-биологиялык диагностикалык ыкмалары боюнча изилдөө иштери жана «Биоинженерия» Россия илимдер академиясынын борборунун консультациялык жардамында вируссуз картошка семендерин өстүрүү боюнча иштер жүргүзүлүүдө.

106 илимий макала жарыяланган, «Отечественные антигельминтики» (2003) аттуу монографиясы басылып чыккан, 4 окуу-методикалык пособие чыгарылган. СССРде 6 автордук күбөлүгү, Кыргыз Республикасында 6 патенти бар.

Негизги ойлоп табуулар:

1. Нейролептик активдүүлүгү бар дипироглутамат пиперазина. Авт. күб. 10630287, 1983.
2. Ашказан-ичеги ферменттеринин активдүүлүгүн стимулдаштыруучу гидрокеоаквабис-(натрий) L - глуминато) кобальт (Ш). Авт. күб. 1225-231, 1985.
3. Антигельминттик активдүүлүгү бар сульфосалицилат сульфаниламида. Авт:. күб. 1336495, 1987.
4. Антигельминттик активдүүлүгү бар пектинат альбендазола. Кыргыз Республикасындагы арыз берүүчүнүн жоопкерчилигинде патент №10Д, 2007.