Жумалиев Кубанычбек Мырзабекович
Техникалык илимдердин доктору, профессор, Кыргыз Республикасынын Улуттук илимдер академиясынын академиги, Кыргыз Республикасынын Инженердик академиясынын чыныгы мүчөсү, Эл аралык информатизация инженердик академиясынын жана Жогорку мектептин илимдер академиясынын мүчөсү.
1956-жылы туулган. 1978-жылы Рязан радиотехникалык институтун аяктаган.
Фрунзе политехникалык институтунда улук илимий кызматкер, НАН КР физика институтунда лабораториянын жетекчиси, НАН КР Президиумунун алдындагы «Жалын» илимий-инженердик борборунун директору, КР илим жана жаңы технологиялар боюнча мамлекеттик комитетинин төрагасы, КР билим берүү жана илим министринин биринчи орун басары, КР Президентине караштуу мамлекеттик катчынын биринчи орун басары, КР Президентинин администрациясынын жетекчиси, КР Премьер-министри, КР Джалал-Абад облусунун администрациясынын жетекчиси, КР транспорт жана байланыш министри болуп иштеген.
Азыркы учурда Кыргыз Республикасынын Улуттук илимдер академиясынын физика институтунда «Оптоэлектроника» лабораториясынын илимий жетекчиси болуп иштейт.
Кванттык электроника, голография, оптикалык маалыматты иштеп чыгуу, электрондук эсептөө машиналары боюнча адис. Фототермиялык ташуучуларда голографиялык эс тутум түзмөктөрүнүн физикалык-техникалык каражаттарын иштеп чыккан. Ленталык эс тутум системаларын жана микрофиштердеги системаларды, дискалык маалымат сактоочуларды, ошондой эле ЭВМ аркылуу термопластикада жазуу процессин башкаруучу аппараттарды иштеп чыккан жана киргизген.
Кыргыз ССРинин Лениндик комсомолунун илим жана техника боюнча сыйлыгынын лауреаты (1984), илим жана техника боюнча мамлекеттик сыйлыктын лауреаты (2004), Кыргыз Республикасынын транспорт тармагында эмгеги сиңген кызматкер (2003).
Анын жетекчилиги астында 4 докторлук жана 15 кандидаттык диссертация корголгон.
300дөн ашык илимий эмгектер жарыяланган, анын ичинде 12 монография, 15 ойлоп табуу автору.
Негизги ойлоп табуулары:
1. Дискалык голографиялык эс тутум түзмөгүндө маалыматка жетүүнүн ыкмасы. Автордук күбөлүк № 1705871,1989.
2. Дискалык сактоочуга жана голографиялык дискалык сактоочуга поляризацияланган голограммаларды жазуу ыкмасы. Кыргыз Республикасынын алдын ала патенти № 134,1996.
3. Лазердик нурду буруунун ыкмасы. Кыргыз Республикасынын алдын ала патенти № 177,1997.
4. Жол белгилерин жасоого материал. Кыргыз Республикасынын патенти № 695,2004.