Мамасаидов Мухаммаджан Ташалиевич
Техникалык илимдердин доктору, профессор, Кыргыз Республикасынын Улуттук илимдер академиясынын, Кыргыз Республикасынын Инженердик академиясынын, Россиянын табигый илимдер академиясынын жана Нью-Йорк академиясынын академиги. Кыргызстандагы илимдин эмгек сиңирген ишмери, Кыргыз Республикасындагы илим жана техника боюнча Мамлекеттик сыйлыктын, «Руханият» эл аралык сыйлыгынын, М.Ломоносов атындагы сыйлыктын лауреаты.
1949-жылы туулган. 1971-жылы Фрунзе политехникалык институтун, 1975-жылы Фрунзе политехникалык институтунун аспирантурасын, 1987-жылы Кыргыз ССР Илимдер академиясынын докторантурасын аяктаган.
1975-1979-жылдары Кыргыз ССР Анын Автоматташтыруу институтунда улук илимий кызматкер, топтун жетекчиси, 1979-1990-жылдары Кыргыз ССР Илимдер академиясынын НА жана НИЦ «Импульс» лабораториясынын жетекчиси, 1990-1994-жылдары Түштүк Кыргызстандын окуу-илимий борборунун бөлүмүнүн жетекчиси, 1992-1994-жылдары Ош жогорку технологиялык колледжинин кафедрасынын жетекчиси жана проректору, 1994-1997-жылдары Кыргыз-Узбек жогорку технологиялык колледжинин ректору-уюштуруучусу, 1997-2005-жылдары Кыргыз-Узбек университетинин ректору, 1992-жылдан бери Кыргыз Республикасынын Инженердик академиясынын Ош облустук бөлүмүнүн директору. Кыргыз Республикасынын Жогорку Кеңешинин төрт чакырылышынын депутаты, Кыргызстандын элдер ассамблеясынын президиумунун мүчөсү, Кыргыз Республикасынын 2-даражадагы мамлекеттик кеңешчиси.
Кыргыз ССР Жогорку Кеңешинин, ТМДнын Межпарламенттик ассамблеясынын Ардак грамоталары, А.Лобелдин юбилейдик алтын медалы, ВОИСтин алтын медалы, «Данакер» орденинин кавалери. Изилдөөлөрдүн жыйынтыктары 200дөн ашык илимий эмгектерде, анын ичинде 12 монографияда жарыяланган. 33 патенттин автору.
Негизги патенттер:
1. Цепная камнерезная машина Авт. св. № 1303721,1987.
2. Станок для направленного раскола камня. Авт. св. № 1560434,1990.
3. Пневматическое устройство для бурения строчек шпуров. Авт. св. № 15466128,1990.
4. Способ добычи блоков камня и устройство для его осуществления. Авт. св. № 17141122,1992.
5. Буровое устройство. Предварительный патент Кыргызской Республики №75,1996.