Токтомышев Советбек Жайлобаевич

Техникалык илимдердин доктуру, профессор, Кыргыз Республикасынын Улуттук илимдер академиясынын академиги, Кыргыз ССРинин Лениндик комсомол сыйлыгынын лауреаты.

1943-жылы туулган. 1965-жылы Новосибирск мамлекеттик университетин аяктаган.

Фрунзе политехникалык институтунун физика кафедрасын жетектеп, Кыргыз мамлекеттик университетинин проректору, Кыргыз мамлекеттик улуттук университетинин ректору, Кыргыз Республикасынын билим берүү, илим жана маданият министри болуп иштеген.

Азыркы учурда Кыргыз улуттук университетинде атмосфераны мониторингдөө боюнча илимий-изилдөө борборунун директору болуп иштейт.

Атмосфера физикасы боюнча адис. Космостук изилдөөлөр боюнча республикадагы жетекчи илимпоз. Ал жука пленка детекторлорун жасоо технологияларын, ракета, аэростат, баллон жана жердеги атмосфера физикасы боюнча изилдөөлөр үчүн оригиналдуу өлчөөчү датчиктердин конструкцияларын иштеп чыккан. Жука пленка детекторлорун бир катар уюмдарга иштеп чыгуу жана киргизүү боюнча чоң салым кошкон.

«Ардак белгиси» ордени менен, Кыргыз Республикасынын Ардак грамотасы менен сыйланган.

Анын жетекчилиги астында 7 кандидаттык диссертация корголгон.

100дөн ашык илимий эмгектер жарыяланган, анын ичинде 2 монография, 1 ойлоп табуунун автору.

Негизги илимий эмгектери жана ойлоп табуулары:

1. Атомардык кислота жана озон датчиги - Ф.: Илим, 1981.
2. Атомардык кислота үчүн жука пленка катализатор датчиги Авт.св.№ 1457583, 1990.
3. Кыргызстанда билим берүүнү өнүктүрүү - дүйнөлүк коомчулукка кирүү процессиндеги демократиялык мамлекеттин стратегиясы. - Б.: 1994.