Филиппов Николай Андрианович

Техникалык илимдердин доктуру, профессор. 1927-жылы туулган. 1952-жылы Ленинград авиация приборлорун өндүрүү институтунун электромеханикалык факультетин аяктаган.

Кыргыз мамлекеттик техникалык университетинин “Колдонмо математика жана информатика” кафедрасында иштеген.

Анын изилдөөлөрү дискреттик түзүлүштөрдү иштеп чыгууга байланыштуу. Ал спутниктер аркылуу Жердин радиациялык белдеулерин өлчөө үчүн электрондук прибордун иштеп чыгуучуларынын бири. Ал Аламедин ГЭСтеринин каскадында биринчи отандык телемеханика түзүлүшүн ишке киргизген.

Ири жетишкендиктери жана ойлоп табуучулук ишмердүүлүгү үчүн Кыргыз ССРинин ирригациялык системаларынын телемеханикасы боюнча иштегендиги үчүн СССРдин ВДНХсынын Улуу күмүш медалы менен сыйланган.

Телемеханика тармагында 48ден ашык илимий макала жана 10 илимий отчет жарыяланган, 26 ойлоп табуунун автору.

Негизги ойлоп табуулары:

1. Частотаны өлчөө жана каттоо ыкмасы. Автордук күбөлүк № 105148, 1955.
2. Алмашуучу токтун частотасын өлчөө үчүн түзүлүш. Автордук күбөлүк № 11-4236, 1957.
3. Телебашкаруу жана телесигнализация үчүн түзүлүш. Автордук күбөлүк № 119215, 1957.
4. Импульс эсептегич. Автордук күбөлүк № 204691, 1967.
5. Тил үйрөнүү учурунда сөздөрдүн туура айтылышын баалоо үчүн түзүлүш. Автордук күбөлүк № 408367, 1973.