Палагина Нина Николаевна (1930),
психология илигинин доктору (1992), профессор (1995)
Орус. Россиянын Самара облусунун Пестравка айылында төрөлгөн.
Ташкенттеги Низами атындагы педагогикалык институтту (1950) жана Ленинграддагы А.И. Герцен атындагы педагогикалык институттун аспирантурасын аяктаган.
Педагогикалык институттун кафедрасын жетектеп, улук окутуучу, кафедра башчысы, КЖПИде доцент, Республикалык мугалимдерди кайра даярдоо институтунда доцент, КИОдо профессор, 1995-жылдан тарта - КРСУда профессор болуп иштеген.
Жаштык жана педагогикалык психология боюнча адис.
Нью-Йорк илимдер академиясынын жана Россиянын педагогикалык жана социалдык илимдер академиясынын академиги.
Ардак грамоталар, СССР медалы менен сыйланган.
60тан ашык илимий эмгектери, анын ичинде 1 монография, методикалык жана окуу куралдары жарыяланган.
Анын жетекчилиги астында 8 кандидаттык диссертация коргоп чыккан.
Негизги эмгектери:
1. Бала бакча балдарынын оюну (автордук биргелешип). Москва, «Просвещение», 1989.
2. Көз алдыда элестетүү: психологиялык механизмдердин түзүлүшү. Бишкек, «Илим», 1992; Москва, 1997.
3. Рус этнокультурасында баланын менталитетинин эрте формалары. Россиялык аң-сезим: психология, культура, саясат. Самара, Сам. ГПУ, 1997.
4. Жаш мектеп окуучуларынын жеке адамга багытталган тарбиясында этикалык сүйлөшүүлөр (автордук биргелешип). Бишкек, 2001.
5. Этнопсихология: теория жана методикалар (автордук биргелешип). Бишкек, 2001.