Чоротегин (Чороев) Тынчтыкбек Кадырмамбетович (1959),
тарых илимдеринин доктору (1998), профессор (2002)
Кыргыз. Он-Арча айылында Тянь-Шань районунда, Нарын облусунда төрөлгөн.
КГУнун тарых факультетин (1981) аяктаган, Өзбек ССРинин Шаркыят институтунун аспирантурасын (Ташкент, 1988) бүтүргөн.
КГУда окутуучу, Өзбек ССРинин ИВде стажер-изилдөөчү, улук окутуучу, доцент, кафедра башчысы, КГНУда профессор, Би-Би-Си (Лондон) продюсери, 2000-жылдан тартып - Эркин Европа Радиосунун кызматкери, Ж.Баласагын атындагы КНУда профессор болуп иштеген.
Ориенталистика, кыргыз таануу жана булактар таануу тармагында адис.
Айтматов Академиясынын академиги (1994).
Кыргызстан тарыхчыларынын коомунун мүчөсү. Өзбекстан Ленин комсомолунун илим жана техника боюнча сыйлыгынын лауреаты (1989). Кыргызстан Жаштар Союзунун илим жана техника боюнча сыйлыгынын лауреаты (1992).
200дөн ашык илимий эмгектери жарыяланган, анын ичинде 4 монография, 6 окуу китеби.
Анын жетекчилиги менен 3 кандидаттык диссертация корголгон.
Негизги эмгектери:
1. Махмуд Кашгари (Барскани) жана анын “Туркий тилдер сез жыйнагы” (1072-1077). Бишкек, «Кыргызстан», 1997.
2. Түрк аймактарындагы этникалык кырдаал: 1X-XII кылымдардагы мусулмандар булагы боюнча. Бишкек, 1995.
3. Кыргыз тарыхы: Кыскача энциклопедиялык сездук (биргелешип авторлук). Фрунзе, 1990.
4. Кыргыздардын жана Кыргызстандын тарыхы: Орто мектептердин 6-7-8-класстары үчүн (биргелешип авторлук, кыргыз, өзбек жана жарым-жартылай орус тилдеринде; үч китепте). Бишкек, 1997-2000.
5. Кыргыз илиминде ким бар (биргелешип авторлук). Бишкек, 1997.