Эмгек биографиясын 1928-жылы «Эркин-Тоо» гезитинин редакциясында корректор, көчүрмөчү болуп баштайт, 1930-жылдан тартып «Кызыл Кыргызстан» гезитинин редакциясында бөлүм башчысы, «Ленинчил жаш» гезитинин жооптуу редактору, Киргосиздаттын редактору, Кыргыз драма театрынын директору, Кыргыз ССР Жазуучулар союзунун литконсультанты болуп иштейт. 1942-жылы Советтер Армиясына чакырылып, Фрунзедеги жөө аскер училищесин аяктап, Калининград фронтуна жөнөтүлөт. Фашисттик баскынчылар менен болгон жоокердик кармашта курман болот.
Ишмердик биографиясы 1928-жылдан башталат. 1932-жылы биринчи поэзия жыйнагы «Жусуптун ырлары» («Стихи Джусупа») жарык көрөт. Анын «Ажал ордуна» («Не смерть, а жизнь») драмасы 1916-жылдагы окуяларды чагылдырган, 1938-жылы жарык көрүп, Москвада кыргыз искусствосунун жана адабиятынын биринчи декадасы учурунда сахнада коюлат. Дж. Боконбаев жана К. Маликов менен биргеликте «Манас» эпосунун мотивдери боюнча «Айчурек» операсынын либреттосун жазат. Улуу Ата Мекендик согуш жылдарында жазуучунун чыгармачылыгында патриоттук темалар кеңири чагылдырылып, «Бандиттин трагедиясы», «Каякка качат», «Сүйүктүү» жана башка чыгармаларында көрүнөт. Дж. Турусбеков ошондой эле котормочу катары да иш алып барып, А. С. Пушкиндин «Каменный гость» чыгармасын, Г. Гейненин, А. Безыменскийдин жана башка авторлордун бир нече ырларын кыргыз тилине которгон. Жазуучунун көптөгөн чыгармалары орус тилинде жарык көргөн.
1930-жылдан КПССтин мүчөсү. 1934-жылдан СССР Жазуучулар союзунун мүчөсү.
«Почет белгиси» ордени менен сыйланган.
Дж. Турусбековдун аты республикадагы китепканаларга, көчөлөргө, мектептерге ыйгарылган.
АЖЫРЫКТАР
Кыргыз тилинде:
Жусуптун ырлары: Жыйнак. — Ф.: Кыргызмамбас, 1932. —88 б. Стихи Жусупа.
Шайыр жаштар: Ырлар жыйнагы. —Ф.: Кыргызмамбас, 1933. — 60 б. Радость молодости.
Тандалмалуу ырлар. — Ф.: Кыргызмамбас, 1935. — 108 б. Избранные стихотворения.
Ажал ордуна. —Ф.: Кыргызмамбас, 1935. —64 б. Место смерти.
Беш мойноктогу окуя: Колхоз, совхоз театрлары учуй уч суреттуу драма. —Ф.: Кыргызмамбас, 1937. — 16 б. События в колхозе «Беш мойнок».
Ажал ордуна: Поэма. — Ф.: Кыргызмамбас, 1938. —56 б. Место смерти.
Мекен: Ырлар жыйнагы. — Ф.: Кыргызмамбас, 1938. — 140 б. Родина.
Ленин жолу: Ырлар. — Ф.: Кыргызмамбас, 1950. — 105 б. Ленинский путь.
Тандалган чыгармалар: Ырлар, поэмалар жана котормолор. — Ф.: Кыргызмамбас, 1953. — 220 б. Избранные произведения.
Чыгармаларынын жыйнагы: Ырлар, либретто, пьеса, котормолор.— Ф.: Кыргызмамбас, 1957. — 102 б. Сборник произведений.
Чыгармалар: Бир томдук. — Ф.: Кыргызмамбас, 1960. —310 б. Сочинения.
Ленин жолу. —Ф.: Кыргызмамбас, 1964. — 13 б. Ленинский путь.
Ленин жолу: Ырлар жыйнагы. —Ф.: Мектеп, 1967. — 10X5 б. Ленинский путь.
Чыгармалар: Бир томдук. — Ф.: Кыргызстан, 1972. —327 б. Произведения.
Ук, жер жузу: Ырлар. — Ф.: Кыргызстан, 1974. —59 б. Слушай, мир!
Мекен: Ырлар жана поэмалар. — Ф.: Мектеп, 1975. — 28 б. Родина.
Тандалмалар: Ырлар жана драма. —Ф.: Кыргызстан, 1980. —300 6. Избранное.
Ленин жолу: Ырлар. —Ф.: Кыргызстан, 1986. —92 б. Ленинский путь.
Орус тилинде:
Ленинский путь: Стихи и поэмы. —Ф.: Киргизгосиздат, 1956. —81 с.
Пуля и песня: Стихи и поэмы. —Ф.: Киргизгосиздат, 1958. —88 с.
Ленинский путь: Стихи и поэмы. —Ф.: Киргизгосиздат, 1964. — 13 с.
Котормолор
Пушкин А. С. Каменный гость. — Ф.: Кыргызмамбас, 1937. —38 с.