Поэт Ж. Тынымсеитова 1929-жылдын 11-августунда Нарын облусунун Тянь-Шань районундагы Он-Арча айылында кедей үй-бүлөсүндө төрөлгөн. 1943-жылы туулуп-өскөн айылындагы жети жылдык мектепти аяктаган, 1943-1945-жылдары Нарын педагогикалык училищесинде билим алган, 1968-жылы КГУнун филология факультетинин сырттан окуу бөлүмүн аяктаган.1945-жылдан тарта Он-Арча жана Кумбель айылдык кеңештеринде китепканачы болуп иштеген, 1950-1952 жана 1955-1960-жылдары Нарын шаарындагы Тянь-Шань радиосунда диктор болуп кызмат кылган, 1952-1955 жана 1960-1963-жылдары «Тянь-Шань правдасы» облустук газетасынын редакциясында адабий кызматкер болуп иштеген. 1963-жылдан өмүрүнүн акырына чейин бала бакчада жетекчи болуп эмгектенген.
1957-жылдан баштап басма сөздө жарыяланган. Алгачкы поэзия жыйнагы «Сабызгы» («Свирель») 1961-жылы жарык көргөн. Ал — сегиз поэтикалык жыйнактын, «Акыркы жолугушуу» пьесасынын автору. Поэтессанын айрым ырлары орус тилинде жарыяланган.
1962-жылдан КПССтин мүчөсү, 1963-жылдан СССРдин Жазуучулар союзунун мүчөсү.
«Эрдиктүү эмгеги үчүн. В. И. Лениндин туулган күнүнө 100 жыл толуусуна байланыштуу» медалы менен, Кыргызстандын ЛКСМ БКсынын Ардак грамоталары менен сыйланган.
АРНАЛГАН ЖАРЫЯЛАР
Кыргыз тилинде
Сыбызгы: Ырлар жыйнагы. —Ф.: Кыргызмамбас, 1961.— 133 б.
Жалкоо таранчы: Ырлар. —Ф.: Кыргызокуупедмамбас, 1963. — 23 б. Ленивый воробей.
Нарын толкундары: Ырлар жыйнагы. —Ф.: Кыргызмамбас, 1963.—35 б. Волны Нарына.
Сон-Кел дептери: Ырлар жана поэма. —Ф.: Кыргызстан, 1966. — 101 б. Сон-Кульская тетрадь.
Алтын топчу: Ырлар. —Ф.: Мектеп, 1974. — 11 б. Золотая пуговица.
Ыргактар: Ырлар жана поэма. —Ф.: Кыргызстан, 1974. —70 б. Ритмы.
Ата-журт ыргактары: Ырлар жана поэмалар. — Ф.: Кыргызстан, 1979. — 228 б. Родные напевы.
Ырлар жана поэмалар. — Ф.: Кыргызстан, 1986. — 128 б,. Стихи и поэмы.