Башкортостан Республикасында 3-июндан 9-июнга чейин Эл аралык улуттук маданияттар фестивалы «Бердэмлек – Содружество» өтөт. Бул жылы Фестиваль 2014-2015-жылдардагы Шанхай кызматташтык уюмундагы Россия Федерациясынын төрагалыгынын планына киргизилген, Россия Федерациясынын Президенти В.В. Путин тарабынан бекитилген. Праздникта дүйнөнүн ар кайсы өлкөлөрүнөн - Кытайдан, Кыргызстандан, Өзбекстандан, Казакстандан жана Тажикстандан, ошондой эле Индиядан, Бразилиядон жана Түштүк Африка Республикасынан 200 адам өз чыгармачылыктарын көрсөтөт.
Мындан тышкары, фестиваль Россияда 2015-жылга CIOFFтун негизги иш-чараларынын календарына киргизилген алты эл аралык фестивалдын бири болуп калды. Соңку жылдары ал «Россия маданияты» федералдык максаттуу программасынын алкагында өтүп келет.
Фестивалдын уюштуруучулары Россиянын Мамлекеттик элдик чыгармачылык үйү, Башкортостан Республикасынын Маданият министрлиги, Республикалык элдик чыгармачылык борбору, Октябрьский, Уфа шаарларынын жана Давлекановский, Белебеевский, Туймазы районунун муниципалдык аймактарынын администрациялары.
«Бердэмлек - Содружество» фестивалынын программасы бай, уюштуруучулар фестивалдын катышуучуларынын концерттик турларын, кавалькадалык жүрүштөрдү жана улуттук маданияттардын майрамдарын жарыялашты. Региондун тургундары Россиянын, ШОС жана БРИКС өлкөлөрүнүн улуттук салттары менен таанышууга мүмкүнчүлүк алышат. Программаны элдик кол өнөрчүлүктүн көргөзмөсү жана ярмарка толуктайт, анда өзүнүн автордук иштерин элдик усталар, анын ичинде жакынкы чет өлкөлөрдөн келгендер көрсөтөт.
Фестивалдын биринчи күнү, 4-июнда, Белебей шаарында салтанаттуу ачылыш өтөт, андан кийин жамааттар «Ачыл, жаным!» аттуу орус элдик майрамына катышат. 5-июнда фестивалдык кыймыл Октябрьский шаарына көчөт, анда Республикалык Курай майрамы өтөт. 6 жана 7-июнда Давлекановский жана Туймазинский райондорунда Сабантуй улуттук майрамдары пландалган. Фестиваль 8-июнда Уфада гранд Гала-концерт менен аяктайт.
АНО «ШОС БРИКС «Уфа-2015» офис тобу
моб.т.+79279454320
р.т.+73472466914