Урматтуу шаардыктар жана борборго келген коноктор! Жаңы жыл бизге жакындап калды…, демек, шаарда көптөгөн кызыктуу жана көңүлдүү иш-чаралар болот! Сиздерге алар менен таанышууга сунуш кылабыз:
Башкы жаңы жылдык иш-чара 2017-жылдын 31-декабрында Ала-Тоо борбордук аянтында өтөт, шаардыктар үчүн майрамдык, театралдаштырылган концерт жана элдик оюн-зооктор уюштурулат.
12:00дөн 15:00гө чейин (күндүзкү блок), 20:00дөн 24:00гө чейин кечки блок кыргыз эстрадасынын жылдыздарынын катышуусунда. Түн ортосунда «Ала-Тоо» аянтында жана Д. Асанов атындагы парктын (Түштүк дарбазасы) алдында жаңы жылдык фейерверк өткөрүлөт.
14-декабрда «Коломто» муниципалдык мекемесинде кайрымдуулук жаңы жылдык акция өтөт.
27-декабрда саат 10:00да Т.Сатылганов атындагы Кыргыз улуттук филармониясында Бишкек шаарынын билим берүү башкармалыгы тарабынан мэрдин жаңы жылдык шыршасы уюштурулат. Майрамдык иш-чарага 1 100 бала – жетимдер, жарым-жетимдер, аз камсыз болгон үй-бүлөлөрдүн балдары, 2010-жылдын 7-апрелиндеги окуяларда жабыркагандардын жана каза болгондордун балдары, ЧАЭСтен жабыркагандар, афгандыктар жана мүмкүнчүлүгү чектелген балдар, ошондой эле мэрдин шыршасында окуудагы мыкты окуучулар, ар кандай конкурстардын жеңимпаздары жана активисттер катышат. Бардык чакырылган балдар жаңы жылдык белектер алышат.
Социалдык өнүктүрүү башкармалыгы 21-декабрда саат 11:00дө Т.Сатылганов атындагы Улуттук филармонияда Бишкек мэринин кайрымдуулук шыршасын уюштурат, анда 600 мүмкүнчүлүгү чектелген бала, жетимдер, жарым-жетимдер жана аз камсыз болгон үй-бүлөлөрдүн балдары чакырылат.
Шаардын төрт району да майрам менен камтылат.
Бишкек шаарынын Первомай районунун муниципалдык администрациясында:
15-декабрдан 31-декабрга чейин жаңы жылдык иш-чаралар өткөрүлүп, жаңы жылдык белектер даярдалат, жалпы суммасы 225 миң сомду түзөт.
29-декабрда саат 11:00дө Сатылганов атындагы Улуттук филармонияда Первомай районунун администрациясы тарабынан уюштурулган жаңы жылдык иш-чара өтөт, анда аз камсыз болгон жана көп балалуу үй-бүлөлөрдүн 1 миң баласы, ЧАЭСтин авариясын жоюу иштерине катышкан балдар, апрель окуяларында жабыркагандардын балдары камтылат.
23-декабрдан 29-декабрга чейин райондук билим берүү мекемелеринде жаңы жылдык иш-чаралар өтөт.
23, 25 жана 26-декабрда саат 10:00дөн 16:00гө чейин балдардын чыгармачылык борборлорунда жаңы жылдык эртеңкилер өтөт.
25-декабрдан 30-декабрга чейин саат 14:00дөн 15:00гө чейин кары-картаңдар үчүн интернат үйүндө жаңы жылдык майрамдык иш-чара өткөрүлөт.
27-декабрда саат 12:00дө балдар жана жаштардын реабилитация борборунда дагы жаңы жылдык майрамдык иш-чара уюштурулат.
Свердлов райондук администрациясында:
Свердлов районунун администрациясынын имаратынын алдында жаңы жылдык шырша орнотулат жана майрамдык кооздоо иштерин өткөрөт. Ошондой эле Жеңиш аянтында 10 метрлик шырша орнотулат жана кооздолот.
СШ № 38 жана 93, «Ак-Тилек» жашоочу массивинде, Абдрахманов – Токтогул көчөлөрүнүн кесилишинде, ошондой эле райондук администрациянын имаратынын алдында.
Жаңы жылдык иш-чаралар райондун бардык 5 МТУларын камтыйт. Ар бир жайда шыршалардын жанында Дед Мороз, Снегурочка жана жомоктогу каармандар катышуусунда жаңы жылдык хороводдор уюштурулат. Хороводдор 25-декабрдан 29-декабрга чейин өзүнчө график боюнча өтөт, бардык балдарга белектер жана таттуулар берилет.
26-декабрда саат 10:00да Абдымомунов атындагы Кыргыз Улуттук Академиялык драма театрында 600 жетимдер, жарым-жетимдер, аз камсыз болгон үй-бүлөлөрдүн балдары, ЧАЭСтин жабыркагандардын балдары, афгандыктар жана мүмкүнчүлүгү чектелген балдар үчүн жаңы жылдык көрсөтүү өтөт. Жалпысынан, жаңы жылдык белектер 2700 баланы камтыйт.
Октябрь райондук администрациясында:
Анкара жана Достоевский көчөлөрүнүн кесилишинде 15-декабрдан баштап шырша базары иштейт.
20-декабрда темир жолчулардын клубунда аз камсыз болгон үй-бүлөлөрдүн балдары үчүн 200дөн ашык баланы камтыган эртеңки өтөт.
27-декабрда саат 14:00дө Т.Сатылганов атындагы Улуттук филармонияда 1 миң жетимдер, жарым-жетимдер, аз камсыз болгон үй-бүлөлөрдүн балдары, ЧАЭСтин жабыркагандардын балдары, афгандыктар жана мүмкүнчүлүгү чектелген балдар үчүн жаңы жылдык көрсөтүү өтөт, жаңы жылдык белектер тапшырылат.
29 жана 30-декабрда «Оберон» базарынын жанындагы Суеркулов көчөсүндө сувенирлер, шырша оюнчуктары жана фейерверктерди сатуу боюнча жаңы жылдык майрамдык ярмарка уюштурулат.
Билим берүү уюмдарында, бала бакчаларда, жашоочу массивдерде, микрорайондордо, кварталдарда жана парктарда жаңы жылдык эртеңкилер өткөрүлөт.
Д.Асанов атындагы Жеңиш паркында 11 метр бийиктикте жаңы жылдык шырша орнотулат жана майрамдык жаңы жылдык сувенирлерди сатуу боюнча ярмарка уюштурулат.
Бишкек шаарынын Ленин районунун муниципалдык администрациясы да жаңы жылга даярдык көрүүдөн четте калган жок:
Ошентип, муниципалдык администрация 700 баланын катышуусунда жаңы жылдык кайрымдуулук шыршасын уюштурат. Жалпысынан, жаңы жылдык белектер 2 870 баланы камтыйт.
20-декабрда темир жолчулардын клубунда аз камсыз болгон үй-бүлөлөрдүн балдары үчүн 200дөн ашык баланы камтыган эртеңки өтөт; Л.Толстой көчөсү 61 б, МТУ №2.
25-декабрдан 29-декабрга чейин Джал микрорайонунда 350 баланы камтыган жаңы жылдык көрсөтүүлөр өткөрүлөт. Льва Толстого көчөсү №148де 150 баланы камтыган майрам өтөт. СШ № 58 МТУ Чон-Арыкта аз камсыз болгон үй-бүлөлөрдүн балдары үчүн 200дөн ашык баланы камтыган жаңы жылдык эртеңки өтөт. ТЦ “Фрунзе” МТУ № 4дүн жанында 100 баланы камтыган жаңы жылдык көрсөтүү уюштурулат.
Коомдук жана өрт коопсуздугун камсыздоо максатында ички иштер органдары жана борбордун өрт кызматтары тарабынан өзүнчө план жана график боюнча иштер жүргүзүлөт.