Ат-Баши районунун Ат-Баши айылында 2014-жылдын 28-июнунда «Кыргыз шырдагы» эл аралык фестивалы өтөт.
Фестивалдын максаты — мурасын сактоо, шырдак өнөрүн өнүктүрүү, келечек муундарга өткөрүп берүү, калк арасында жайылтуу, чебер аялдарды колдоо, ошондой эле кыргыз өкмөтүнүн жана ЮНЕСКОнун чечимдерин ишке ашыруу.
Айрыкча, шырдак жана ала кийиз 2012-жылдын 4-7-декабрында ЮНЕСКОго жоголуп бараткан, сейрек жана баалуу нематериалдык мурас катары киргизилген.
Фестивалдын жобосуна ылайык, оригиналдуу байыркы узорлору бар эң мыкты шырдактар аныкталат, шырдак жасоо боюнча мастер-класстар өткөрүлөт, кийизден жасалган буюмдардын көргөзмөлөрү, улуттук тамак-аштардын көргөзмөлөрү уюштурулат, жаңы таланттарды аныктоо максатында жаш чеберлер арасында конкурс өткөрүлөт.
Мындан тышкары, «Кыргыз куреш» (күрөш) улуттук оюну өткөрүлөт. Келгендер үчүн «Кошой-Коргон» жана «Таш-Рабат» тарыхый эстеликтерине маршруттар уюштурулат.
Ошол эле учурда кыргыз улуттук суусундугу - кымыз фестивалы өткөрүлөт.
