– Алгачкы кезекте, конкурс чет өлкөлөрдө орус тилин сактоо жана жайылтууга багытталган. Анткени биздин маданият жана тил, кайда болбосун, мекендештерибизди байланыштыруучу булагы болуп калат, – деди сыйлык тапшыруу аземинде Россия Федерациясынын Жарандык палатасынын коомдук дипломатияны өнүктүрүү жана чет өлкөдөгү мекендештерди колдоо боюнча комиссиясынын төрайымы Елена Сутормина.
Конкурстун жыйынтыктары 10-ноябрда А.С. Пушкин атындагы мамлекеттик музейде (Москва) өткөрүлдү. Конкурстун алкагында орус тилинде чыгармаларын жазган ТМД жана жакынкы чет өлкөлөрдүн жаш прозаиктери жана акындары сыйланды. «Проза» номинациясында биринчи орунду Кыргызстандык Артем Хегай, экинчи орунду Армениялык Левон Шахназарян, үчүнчү орунду Молдовандык Саша Миндориани ээледи. «Поэзия» номинациясында мыкты болгон акындар Белоруссиядан Татьяна Куприянец, Латвиядан Элина Ермилова жана Казахстандан Канат Кулахметов болду. Украинадык жазуучу Светлана Медведева атайын сыйлыкка ээ болду.
Бишкектеги автор Артем Хегайдын маалыматы боюнча, ал конкурска беш ар түрдүү жанрдагы аңгемелерин жиберген, бирок алардын ичинен эң мыктысы социалдык фантастика жанрында жазылган «Луковица» чыгармасы болду.
– «Русская речь» конкурсу эң жогорку деңгээлде өткөрүлдү. Жюринин курамына Россия Федерациясынын Мамлекеттик Думасынын ТМД, евразиялык интеграция жана чет өлкөдөгү мекендештер менен байланыштар боюнча комитетинин төрагасы Леонид Слуцкий, Россия Федерациясынын Жарандык палатасынын секретары Александр Бречалов, Россия Федерациясынын Жарандык палатасынын коомдук дипломатияны өнүктүрүү жана чет өлкөдөгү мекендештерди колдоо боюнча комиссиясынын төрайымы Елена Сутормина, ОП РФ мүчөсү, акын, Мамлекеттик сыйлыктын лауреаты Андрей Дементьев, ошондой эле «Россиянын дүйнө фонду» эл аралык коомдук фондунун биринчи орун басары, жазуучу, Россиянын сөз искусствосу академиясынын академиги Анатолий Салуцкий кирди, – деди ИА конкурстун «Проза» номинациясындагы жеңүүчүсү. – Мен мекендештериме өздөрүн көрсөтүүгө, чыгармачылыктарын бөлүшүүгө мүмкүнчүлүк берилгенине абдан кубанычтамын. Жазуучулар үчүн бул абдан баалуу!
«Русская речь» конкурсуна жеңүүчүлөр дипломдор жана акчалай сыйлыктар менен сыйланды: биринчи орун – 100 миң рубль; экинчи – 80 миң, үчүнчү – 60 миң.
Россия Федерациясынын Жарандык палатасынын аппаратынын жетекчиси Сергей Смирновдун айтымында, «Русская речь» конкурсу Адабият жылынын алкагында Жарандык палата үчүн приоритеттүү болгон. Ал ошондой эле мындай иш-чаралардын натыйжасында «заманбап орус адабиятында жаңы жылдыздар жана жылдызчалар пайда болорун» кошумчалады.
Сыйлык тапшыруу аземи классикалык музыка концерти менен коштолду, аны радио жана телевидение симфониялык оркестри, Большой театрдын солисттери, Станиславский жана Немирович-Данченко атындагы музыкалык театр, ошондой эле Покровский атындагы камералык музыкалык театр аткарышты.