Кайталануу
Ысык-Көл жана Суук-Көл көлдөрүндөгү балык запастарын кайталануу максатында Ысык-Көл форелинин уругун инкубациялоого 750 миң даана, Суук-Көл сигинин уругун 11 миллион 500 миң даана бөлүп берилген.
Бүгүнкү күндө Ысык-Көлгө 253 миң даана Ысык-Көл форелинин жаш балыгы чыгарылды.
Балык запастарын коргоо
Ысык-Көл, Суук-Көл, Кара-Суу жана Токтогул суу сактагычындагы балык запастарын коргоону күчөтүү максатында Балык чарба департаментинин кызматкерлери туруктуу түрдө уруктук участокторду коргоо боюнча 24 сааттык рейддерди өткөрүштү.
2015-жылдын биринчи кварталында Балык чарба департаменти тарабынан браконьерликке жана башка балык коргоо мыйзамдарын бузууга каршы 15 рейд өткөрүлүп, 4 акт түзүлгөн. Балык коргоо мыйзамдарын бузуу боюнча 3 акт тергөө органдарына өткөрүлүп, тергөө иштери жүргүзүлүүдө.
Нарын облусунун Жумгаль райондук сотунда С.Кыдыртоктоевдин балык коргоо мыйзамдарын бузуу боюнча сот жараяны болуп, соттун чечими менен 2 жыл шарттуу жазага тартылган. Департамент Кыргыз Республикасынын балык чарба суу сактагычтарына келтирилген зыяндын суммасын өндүрүү боюнча иштерди жүргүзүүдө.
Агроөнөр жай министрлигинин жана МКРдин маалымат кызматы