Товар айлануу көлөмү боюнча Кыргызстан менен Казакстан үчүнчү орунду ээлейт. Кыргызстан жалпы 141 өлкө менен соода кылат. Бул учурда КРнын жалпы товар айлануусунун 12 пайызы жакынкы коңшуга туура келет. Үч жылдын ичинде ал үч эсе өстү. Бүгүн Бишкекте мамлекеттердин соода кызматташтыгына арналган конференция өттү.
КРнын экономика министринин орун басары Данил Ибраев Кыргызстандан чыгарылган электр энергиясынын 86 пайызы Казакстанга жөнөтүлөрүн белгиледи. Ошондой эле, сүт жана сүт азыктарынын экспортунун 96 пайызы, жашылчалардын 56 пайызы, кийимдердин 52 пайызы да ошол жакка кетет.
Өз кезегинде КРнын Соода-өнөржай палатасынын төрагасы Марат Шаршекеев 2013-жылы Кыргызстан менен Казакстандын жалпы товар айлануусу 1 миллиард доллардан ашканын билдирди. Мындай чоң сумма айкын жыйынтыкты тастыктап турат – Казакстан КР үчүн негизги соода өнөктөшү болуп калууда.
«Ошол эле учурда биздин потенциалдын аз пайдаланылып жатканын айтууга болот. Кыргызстандагы соода потенциалын толук ишке ашырууга мүмкүнчүлүк бербеген тоскоолдуктар бар. Ошондуктан көптөгөн маселелерди эки тараптуу негизде чечүүгө туура келет», - деп кошумчалады Данил Ибраев.
Проблеманы чечүүгө, анын ичинде, Кыргызстан менен башка чет өлкөлөрдүн товар айлануусун көбөйтүү да жардам бере алат. Предпринимателер жаңы рынокторго ийгиликтүү чыгууга даярдык бар экенине ишенишет. Мисалы, Италиялык компаниялардан 5 тонна грек жаңгагы, 15 миң тонна кургатылган жемиштерди Кыргызстандан жеткирүү боюнча заказдар бар.
«Жыл экономиканын бурчтуу башталышы менен башталды, кыргызстандык өндүрүүчүлөрдүн продукциясына кызыгуу байкалды. Германиядагы «Жашыл көргөзмөгө» катышуу жемиш берди. Мурда бизге келген бардык ишкерлердин бир эле каалоосу бар эле - сатуу, азыркы учурда абал өзгөрдү, биздин жакын досторубуз биздин продукцияны көрүүгө, шарттарды талкуулоого келишти», - дейт ТППнын башчысы Марат Шаршекеев.