Республикадагы юбилейлик жыйырма сезон КВН жаңы эрежелер боюнча өткөрүлүүдө: 1/8, 1/4, 1/2 финалдар өткөндө калды. Эми жаз, жай, күз мезгилдеринде командалар үч кубок үчүн күрөшөт, жана ушул беттештерде жана убактылуу мелдештерде көпчүлүк упайларды топтогон командалар сезон кубогу үчүн күрөшүүгө укук алышат.
Күзгү кубокко талапкерлер убактылуу оюндардын жана стандарттуу сынактар – визиткалар, разминка, биатлон, жана калыстарга берилген кызыктуу жооптордун жыйынтыктары боюнча тандалды. Көптөгөн командалар, тилекке каршы, телевидениеде көрсөтүлгөн шоу жана ситкомдордо айтылган шуткаларды колдонушту. Бирок кээ бир жигиттер программаны өздөрү даярдоону артык көрүштү. Ошентип, көрүүчүлөр депутаттардын пиджактарын эмне үчүн чечкенин, аялдар менен Пётр Биринчинин кандай окшош экенин, куруучулар кыздарын кантип тандай турганын жана парламентке өтпөй калган «Бутун Кыргызстан Эмгек» партиясынын тең төрагасы Адахан Мадумаров кандай фильмде жылдыз болоорун билишти. «Бронзаны» - ардак грамотаны жана демөөрчүлөрдөн сыйлыктарды Дипакадемиянын күлкүлүү жана тапкыч жигиттери алышты, «күмүш» - КРСУдан «Порыва ветра» командасына берилди. Кубок болсо КГМАдан «Бруклин» командасына ыйгарылды.