Чолпон-Ата шаарында, Ысык-Көлдүн жээгинде, биринчи дүйнөлүк кочмондор оюндары өтөт, ага алдын ала маалыматтар боюнча 12 өлкө катышат. Бул тууралуу пресс-конференцияда Кыргыз Республикасынын маданият министринин орун басары, туризм департаментинин директору Максат Чакиев билдирди. Ал бул оюндар туристтердин өлкөгө болгон кызыгуусун арттырат деп ишенет.
Анын айтымында, учурда сегиз мамлекет менен келишимге жетишилген, жумушчу топ түзүлгөн. Оюндарга катышуусун борбордук Азия өлкөлөрү, ошондой эле Түркия жана Кавказ тастыктады, Америка жана Европа өлкөлөрүнөн катышуучуларды тартуу пландалууда.
Расмийлер 2014-жылдын сентябрына чейин Кыргызстанга келүүгө даяр өлкөлөрдүн саны дагы көбөйөт деп ишенишет. Конференциянын катышуучуларынын маалыматына караганда, кинофестивал, ар түрдүү музыкалык жана бий коллективдеринин чыгышы, ошондой эле элдик кол өнөрчүлүк көргөзмөлөрү «Рух-Ордо» комплексинде өтөт. Семеновское капчыгайында «Этно-шаар» уюштурулат, ал эми спорттук оюндар Чолпон-Атадагы ипподромдо өтөт.
- Стамбул шаарында жакында өтө турган мелдештер боюнча кезектеги жыйын болду. Биз уюштуруу маселелерин талкууладык. Проекттин негизги мааниси – элдердин тарыхын сактоо. Ар бир мелдеш ар түрдүү өлкөлөрдө өтөт, жана кабыл алуучу тараптын эрежелери боюнча. Ошентип, биз мамлекетке өзүн көрсөтүүгө жана улуттук салттарын көрсөтүүгө жардам беребиз, - деди Кыргыз Республикасынын улуттук спорт түрлөрүн өнүктүрүү борборунун жетекчиси Алмаз Касенов.
- Бул мелдештер Олимпиадалык оюндарга альтернатива болот. Биздин милдет – улуттук спорт түрлөрүн популярдуу кылуу жана Кыргызстанды дүйнөлүк аренада көрсөтүү, – деди «Дүйнөлүк кочмондор оюндары» башкы кеңсесинин жетекчиси Руслан Ашымканов.
- Биз жаңы бренд түзүү алдында турабыз. XX кылым дүйнөгө көптөгөн спорттук мега-бренддерди тартуулады, мисалы FIFA, UEFA, NHL, WBC. Жаңы кылымда дагы бир бренд пайда болот - «Дүйнөлүк кочмондор оюндары». Биз аларды ушундай атадык, анткени ушундай оюндарды өткөргөн бардык өлкөлөрдү бириктирүү үчүн. Көптөгөн мамлекеттер бул оюндарды өздөрүндө өткөрүү укугу үчүн күрөшүп жатышат, - деди «Дүйнөлүк этно оюндар» фондунун президенти Асхат Акибаев.
Мелдештер төмөнкү спорт түрлөрү боюнча өткөрүлөт: кок-бору, ат-чабыш, оодарыш, ордо, тогуз-коргоол, курош, катышуучу өлкөлөрдүн улуттук күрөш түрлөрү көрсөтүлөт. Жеңүүчүлөр кыз кумай, тыйын энмей, джигитовка, жебе менен атуу, батырлардын мелдеши, ошондой эле каршы учуп жүргөн куштар жана иттер менен улуттук аңчылык боюнча да аныкталат.