Жыйынга катышкан конокторго фонддун негиздөөчүсү, коомдук ишмер жана меценат Аскар Салымбеков сөз сүйлөдү. Ал өзүнүн куттуктоо сөзүндө сыйлыктын негизделишинин тарыхы, негизги максаттары жана бизнес коомчулугунун өкүлдөрү менен меценаттардын кайрымдуулук ишмердүүлүгүн активдүү улантуунун зарылдыгы тууралуу айтып берди.
Салымбеков бүгүнкү күндө коомчулуктун негизги көңүлү саясатчыларга бурулганын, ал эми көрүнүктүү меценаттардын аттары көлеңкеде калып жатканын белгиледи. «Массалык маалымат каражаттары Кыргызстандагы меценаттардын кайрымдуулук ишмердүүлүгүн активдүү жарыялап турушу керек. Бизде көп меценат бар, ар бир райондо өзүнүн меценаты бар, алар жөнөкөй жарандардын көйгөйлөрүнө кайдыгер эмес», - деди коомдук ишмер.
2015-жылдын жыйынтыгы боюнча, «Жылдын меценаты» сыйлыгына Кыргызстандын бардык облустарынан 11 кайрымдуулук кылуучу татыктуу болуп, ар кандай социалдык программаларга миллиондук акчалай жардамдарды берген. Алар балдар бакчаларын, көпүрөлөрдү, мектептерди, мечиттерди жана башка көптөгөн курулуштарды колдошту.
Кыргызстандын көрүнүктүү ишмерлеринин колунан меценаттар «Жылдын меценаты» статуэткаларын, сертификаттарды жана китептерди алышты. Мындан тышкары, сыйлык ээлеринин аттары Бишкектеги Ю. Фучик атындагы парктын «Славанын аллеясы» эстелик ташына жазылып, түбөлүккө калат.
2015-жылдын мыкты меценаттары болуп төмөнкүлөр таанылды:
- Баткенден Халбеков Абдилазиз Асанович, аз камсыз болгон үй-бүлөлөргө 1 млн 300 миң сом жардам берген.
- Ош шаарынан Атабаев Даниярбек Сүйүнбаев, аз камсыз болгон үй-бүлөлөргө 4 млн 573 миң сом жардам берген.
- Ош шаарынан Камчыбеков Калмат, спортту өнүктүрүүгө 1 млн 300 миң сом салым кошкон.
- Жалал-Абаддан Токтожумаев Урмат Акматбекович, билим берүү жана саламаттыкты сактоо тармагына 1 млн 700 миң сом салым кошкон.
- Нарындан Жусаев Муса Токонович, аз камсыз болгон үй-бүлөлөргө 2 млн 590 миң сом жардам берген.
- Таластан Мырзабаев Рысбек Байсылдаевич, курулушка 1 млн 398 миң сом жардам берген.
- Ысык-Көлдөн Касенов Абдыталип Кадыракунович, социалдык тармакка жана мечит курууга 11 млн 680 миң сом жардам берген.
- Чүй облусунан Бейшеналиев Алымкадыр Савирдинович, мыкты окуучуларга стипендиялар жана балдар бакчасын курууга 10 млн 150 миң сом жардам берген.
- Арзыкулов Хабибулло Кадыралиевич (ОФ “Элим барсынбы”) социалдык тармакка, мүмкүнчүлүгү чектелген адамдарга жана карыяларга 7 млн 400 миң сом жардам берген.
- Бишкектен Иманалиев Бейшенбек Султанович, социалдык тармакка, мүмкүнчүлүгү чектелген адамдарга жана карыяларга 1 млн 348 миң сом жардам берген.
- Бишкектен Касенов Эдил Абдыталипович, спортту өнүктүрүүгө жана студенттерди колдоого 15 млн сом жардам берген.
«Ак жүрөк» сыйлыгы 2010-жылы «Айкөлдүк» эл аралык кайрымдуулук фонду тарабынан өлкөдөгү меценаттарды урматтоо жана коомчулукка үлгү болуучу, сый-урматка татыктуу адамдар катары көрсөтүү максатында негизделгенин белгилеп кетели.