Кара-Балта шаарында «Мисс Кара-Балта — 2019» сулуулук конкурсу өттү.
21-июнда шаарда сулуулук конкурсу өттү. Биздин шаардагы эң сулуу кыздын наамы үчүн 8 талапкер күрөштү. Бул конкурска негизинен 15 жаштагы мектеп окуучулары катышууга каалоо билдиришкен, ал эми бир гана кыз 18 жашта. Бардык катышуучулар өз номерлери менен чыгышты: 1 — Арайым Кенешбекова, 2 — Таалайбек кызы Аяна, 3 — Аделина Айдарова, 4 — Эльнура Бектурганова, 5 — Айжан Бектеналиева (18 жаш), 6 — Бермет Джунушалиева, 7 — Жибек Аманбекова жана 8 — Анархан Сатыбалдиева.
Алар төрт конкурста тапшырмаларды аткарууга тийиш болчу — саламдашуу, өздөрү тууралуу айтып берүү, флешмоб — жалпы бий, кооз кийимдерди көрсөтүү жана акыркысы кечки кийимдерде чыгыш болуп, кыздар грациоздугун, поза берүүнү жана подиумда туруштукту көрсөтүштү.
Катышуучулардын чыгыштарын райондук маданият бөлүмүнүн өкүлдөрү, сулуулук салондорунун кызматкерлери, хореографиялык топтун катышуучулары, бизнесмен жана Бишкектен модель агенттигинин кызматкери баалашты.
Бул конкурс шаардыктар арасында чоң кызыгууну жаратты, ошондуктан зал көрүүчүлөр жана күйөрмандар менен толуп кетти.
Конкурстун жыйынтыгы боюнча биринчи орунду алып, «Мисс г. Кара-Балта — 2019» наамын №3 катышуучу Аделина Айдарова жеңип алды. Ал Макаренко атындагы №10 мектептин окуучусу. Ошондой эле Аделина бий менен алектенет жана англис тилин үйрөнүп жатат. Конкурста ал максималдуу балл — 100 балл алды. Ал «Мисс күлкү» номинациясында да айырмаланды. Жеңүүчүнүн таажысын өткөн жылдагы сулуулук конкурсу «Мисс Кара-Балта — 2018» жеңүүчүсү Адина Сманова тапшырды.
Экинчи орунду жана «Биринчи вице-мисс г. Кара-Балта — 2019» наамын №8 катышуучу Анархан Сатыбалдиева, №12 мектептин окуучусу алды.
Үчүнчү орунду жана «Экинчи вице-мисс г. Кара-Балта — 2019» наамын №2 катышуучу Таалайбек кызы Аяна алды.
Конкурсту уюштуруучу Хабиба Молдолиева билдиргендей, Аделина Айдарова биздин шаарды «Мисс Кыргызстан — 2019» сулуулук конкурсуна жарым финалда көрсөтөт, ал июлдун аягында Бишкекте өтөт.
Елена Полещукова. Автордун сүрөтү