«Бишкек шаары – 2014-жылы ислам маданиятынын борбору» аттуу иш-чаранын алкагында Кыргыз Республикасынын Мамлекеттик тарых музейинде көргөзмө ачылды.
Көргөзмөдө Мекке жана Мединадагы ыйык мечиттердин макеттери, Кувейттен келген уникалдуу араб каллиграфиясынын үлгүлөрү көрсөтүлдү. Экспонаттар Сауд Аравия Королдугунан жана Кувейт Мамлекетінен жеткирилди.
Уюштуруучулардын айтымында, Курандын аяттары алтын жиптер менен тигилген жабуунун фрагменти, ал ыйык Каабаны жапкан, Бишкекке белгиленген убакытка жеткирилген жок, бирок Сауд Аравия Королдугунун элчилигинин өкүлдөрү ал жакын арада жеткирилет деп ишендиришти.
МААЛЫМАТ ҮЧҮН: Учурдагы жылдын ортосунда Ислам кызматташтык уюму (ИКУ) Кыргызстандын борбору Бишкекти «ислам маданиятынын борбору» деп жарыялады, деп билдирет World Bulletin. Бишкек бул наамды Мединадан кабыл алып, 20-майдан 18-сентябрга чейин сактайт.
«Ислам маданиятынын борбору» наамын алуу, 20-майдан 18-сентябрга чейин ИКУнун колдоосу менен уюштурулган бардык маданий иш-чаралар Бишкекте өтөт дегенди билдирет.
Бул окуянын алкагында ноябрь айына чейин Кыргызстанда ислам маданиятын өнүктүрүүгө жана ИКУ өлкөлөрүнүн ортосундагы маданий байланыштарды бекемдөөгө багытталган бир катар иш-чаралар (сүрөт көргөзмөсү, кинофестивал, туризм жарманкеси) өткөрүлөт. Бишкек светтик мамлекеттин борбору экендиги тууралуу басма сөздүн каршы пикирлерине жооп берип, министр мурда ислам маданиятынын борбору наамын Ташкент (2007-жыл), Баку (2009-жыл), Душанбе (2010-жыл) шаарлары алганын, ал эми 2015-жылы Алматы ошондой борбор болот деп билдирди.