Тышкы иштер министрлигинин маалымат, басма сөз жана маданият башкармалыгы Түркияга кирүү эрежелерин түшүндүрдү.
«Түркия Республикасынын чет элдик жарандар жана эл аралык коргоо жөнүндө мыйзамынын 7/1-беренесине ылайык, 2014-жылдын 11-апрелинде күчүнө кирген, Түркияга кирүү чет элдик жарандарга, эгерде паспорттун же башка (каттоо) документтин мөөнөтү визанын, визасыз режимдин же жашоого уруксаттын мөөнөтүнүн бүтүшүнө 60 күндөн эрте аяктап калса, берилбейт. Бирок, 2014-жылдын 27-апрелинде Түркиянын министрлер кабинети тарабынан кабыл алынган чечимге ылайык, Түркияга кирүү пункттарына келип, паспорту же башка (каттоо) документи визанын, визасыз режимдин же жашоого уруксаттын мөөнөтүнүн бүтүшүнө 60 күндөн ашпаган мөөнөтү бар чет элдик жарандар, 2014-жылдын 31-декабрына чейин Түркияга кирүүгө уруксат алат, Түркиянын чет элдик жарандар жана эл аралык коргоо жөнүндө мыйзамынын 18-беренесине ылайык», — деп маалымдады КР Тышкы иштер министрлиги.
1-январь 2015-жылдан тартып Түркияга кирүүнү каалаган чет элдик жарандар визанын, визасыз режимдин же жашоого уруксаттын мөөнөтүнүн бүтүшүнө 60 күндөн ашык мөөнөтү бар паспорт же башка (каттоо) документке ээ болушу керектиги белгиленди.
КР Тышкы иштер министрлиги Түркияга чыгуу ниетинде болгон Кыргыз Республикасынын жарандарын паспортторун же башка каттоо документтерин Түркиянын мыйзамдарына ылайык жөнгө салууга чакырат жана өлкөнүн мыйзамдарына ылайык болуу зарылдыгына көңүл бурат.
Эзм: интернет-портал www.vb.kg