Джошибаев Сейтхан Джошибаевич

Медициналык илимдердин доктору, профессор, Кыргыз Республикасынын Улуттук илимдер академиясынын корреспондент-мүчөсү, Казакстан Республикасынын профилактикалык медицина академиясынын чыныгы мүчөсү, СССРдин саламаттыкты сактоо отличниги, Кыргыз ССРинин эмгек сиңирген дарыгери, Казакстан Республикасынын саламаттыкты сактоо отличниги. 1939-жылы төрөлгөн. 1962-жылы Кыргыз мамлекеттик медициналык институтун аяктаган.

Нарын облустук ооруканасында хирург болуп, КГМИнин жалпы хирургия кафедрасында хирург болуп, Кыргызстан, Казакстан кардиохирургия борборунун жетекчиси болуп иштеген. Жүрөк-кан тамыр хирургиясы боюнча адис, жогорку категориядагы кардиохирург.

Кыргызстан хирургия коомдорунун ассоциациясынын президиумунун мүчөсү, Европалык кардиоторокалдык хирургдар ассоциациясынын мүчөсү, Россия Федерациясынын минималдуу инвазивдүү кардиохирургдар лигасынын мүчөсү, РФ жүрөк-кан тамыр хирургдары ассоциациясынын мүчөсү, Минималдуу инвазивдүү кардиохирургдар эл аралык коомунун мүчөсү.

“Данк” медалы, Казакстан “Ерен енбегт yuiin” медалы, СССРдин АМН академиги В.И. Бураковскийнин эстелик медалы, И.К. Ахунбаев атындагы НАН КР сыйлыгы, Кыргызстан хирургия коомдорунун ассоциациясынын Ардак грамотасы, “Алтын котр” Ардак грамотасы жана белгиси, Кыргыз Республикасынын, Казакстан жана Монголиянын Саламаттыкты сактоо министрлигинин Ардак грамоталары менен сыйланган.

Анын жетекчилиги астында 1 докторлук жана 7 кандидаттык диссертация корголгон. 148 илимий эмгек жарыяланган, 8 ойлоп табуунун автору.

Негизги ойлоп табуулары:

1. Жогорку сапаттагы электрохирургия үчүн электрод. Автордук күбөлүк № 160-0728,1990.
2. Клапан камтыган жамоо. Автордук күбөлүк №1725909,1991.
3. Туулган жүрөк кемтиги бар балдарды операцияга даярдоо ыкмасы. Автордук күбөлүк №1803876,1992.
4. Операциялык жеткиликтүүлүктөрдүн параметрлерин өлчөө үчүн түзүлүш. Казакстан Республикасынын алдын ала патенти №9794,2001.
5. Жүрөктүн митральдык клапанынын протезин бекитүү ыкмасы. Кыргыз Республикасынын алдын ала патенти №461,2001.