Кумскова Наиля Хасановна (1934),
экономикалык илимдердин доктору (1983), профессор (1984)
Татарка. Ош облусунун Ош шаарында туулган.
Москва экономикалык институтун (1957) жана Кыргыз ССР ИЭ аспирантурасын (1967) аяктаган. КГИФКда окутуучу, улук окутуучу, доцент, КГМИде профессор, кафедра башчысы болуп иштеген, 1993-жылдан тартып - КРСУда кафедра башчысы, профессор. Социалдык экономика тармагында адис: калкты социалдык-экономикалык жана демографиялык маселелери.
Эл аралык жогорку мектеп академиясынын академиги (1997), Евразиянын эл аралык экономикалык академиясынын академиги (1998).
КРдин эмгек сиңирген билим берүү кызматкери (1997). 140тан ашык илимий эмгектери, анын ичинде 9 монография, 4 окуу куралы жарык көргөн.
Анын жетекчилиги астында 5 кандидаттык диссертация корголгон.
Негизги эмгектери:
1. Кыргызстандын калкынын кыймылынын мыйзамдылыктары. Фрунзе, «Кыргызстан», 1983.
2. Кыргызстандын калкы жана анын ден соолугун коргоо рыноктук экономикага өтүү шартында (авторлордун биригип). Бишкек, 1994.
3. Экономика жана адамдын репродукциясы. Бишкек, КРСУ, 1998.
4. Кыргызстандын айылдык аялдарынын кирешелерди алуу мүмкүнчүлүктөрүн жогорулатуу. Бишкек, 1999.
5. Кыргызстандагы рыноктук экономиканын модели. Бишкек. КРСУ, 2001.