Элзат беш баланы тарбиялап жатат. Ал улуу кызы азыр 9-класста окуп жатканын айтып, батир балдары үчүн окууга келгенде ыңгайлуу үй болот деген үмүтүн билдирди.
Кыргыз тили жана адабияты мугалими Асанова, Ысык-Көл облусунун Түп районундагы Долон айылындагы К. Уметалиев атындагы №22 жалпы билим берүү мектебинде иштейт. Ал конкурстун бардык этаптарынан, анын ичинде райондук жана облустук этаптарынан өтүп, акыры республикалык туруна жеңишке жетип, негизги сыйлык — батирди жеңип алды.
Бир бөлмөлүү батирдин сертификатын ага 2025-жылдын 4-октябрында Премьер-министр Адылбек Касымалиев тапшырды.
