Курулуш министрлигинин маалымат кызматы тарабынан берилген маалыматка ылайык, иштер 2024-жылдын июнь айында башталган. Бул долбоордун жалпы баасы 90,6 миллион сомду түзөт.
Пландарга ылайык, жаңы корпус 150 окуучуну кабыл алууга жөндөмдүү болуп, окуу класстары, акт зал, информатика кабинети, спорт залы, медициналык кабинет жана тамактануу бөлмөсү, ошондой эле эмгек билим берүү үчүн атайын кабинеттерди камтыйт.
Курулуш иштерин ОсОО «Араван-Ремстрой» подряддык уюму аткарат. Азыркы учурда бардык иштердин 75%ы аяктаган.
Жаңы корпус курулуп бүткөндөн кийин, 300 мектеп окуучусу үчүн окуу шарттары камсыздалат.
