Шаардык администрациянын маалымат кызматына ылайык, иш-чарада БГКнын төрагасы Бекжан Усеналиев жана вице-мэр Виктория Мозгачева катышты.
Визиттин максаты жаңы бала бакчанын иши менен таанышуу, балдар үчүн түзүлгөн шарттарды текшерүү, тарбиялык-окутуучулук процесстин уюштурулушун баалоо жана материалдык-техникалык базаны анализдөө болду.
«Баластан» №69 бала бакчасы Арча-Бешик турак жай массивинде, Ак-Марал жана Ак-Таң көчөлөрүнүн бурчунда жайгашкан. Уюмдун долбоордук кубаттуулугу 100 орунду түзөт, бирок уктоочу жайларды натыйжалуу пайдалануунун аркасында жалпы орундардын саны 235ке чейин көбөйтүлдү.
Учурда бала бакчада 199 бала билим алууда.
Текшерүүнүн жыйынтыгы боюнча бала бакча белгиленген бардык талаптарга жооп берет деп белгиленди.
