Министрликтин басма сөз кызматынан алынган маалыматка ылайык, жолугушуу учурунда илим, жогорку билим берүү жана инновациялар тармагындагы эки тараптуу кызматташтыктын актуалдуу маселелери жана келечеги талкууланды.
Исаматова кыргыз тараптын академиялык жана илимий кызматташтыкты кеңейтүүгө, биргелешкен билим берүү жана илимий-изилдөө инициативаларын ишке ашырууга, ошондой эле инновациялык багыттарды өнүктүрүүгө кызыгуусун белгиледи.
Өз кезегинде, элчи Лю Цзянпин Кытайдын өнөктөштүктү бекемдөөнү, тажрыйба алмашууну жана адам капиталы менен илимий-техникалык потенциалды өнүктүрүүгө багытталган инициативаларды колдоону улантууга даяр экенин билдирди.
