Министрликтин маалымат кызматынын маалыматына ылайык, жолугушууда илим, жогорку билим берүү жана инновациялар тармагындагы актуалдуу абал жана кызматташуу боюнча потенциалдуу багыттар көтөрүлдү. Ошондой эле 2026-жылы биргелешкен иш-чараларды өткөрүү пландары, академиялык мобилдүүлүктү өнүктүрүү жана университеттер ортосундагы байланыштарды бекемдөө талкууланды.
Жолугушуунун жүрүшүндө Венгриянын демилгеси менен ишке ашырылып жаткан Stipendium Hungaricum стипендиялык программасына өзгөчө көңүл бөлүндү. Бул программа Кыргызстан жарандарына Венгриядагы престиждүү окуу жайларында жыл сайын билим алууга мүмкүнчүлүк берет.
«Жолугушуунун жыйынтыгы менен эки тарап стратегиялык өнөктөштүктү тереңдетүүгө, билим берүү алмашууларын кеңейтүүгө жана илимий-техникалык кызматташтыкты өнүктүрүүгө даярдыгын билдиришти, биргелешкен иштин негизги багыттарын аныктап, кийинки өз ара аракеттенүү боюнча макулдашышты», - деп белгилешти Миннаукадан.
