Бишкек мэриясынын маалымат кызматынын маалыматына ылайык, учурда курулуш аянтчасында ички бүтүрүү иштерин активдүү жүргүзүүдө, санитардык жайларда кафель төшөлүүдө, ошондой эле фасадды түзүү боюнча иштер аткарылууда.
Проектте жалпы аянты 2927 квадрат метрди түзгөн эки кабаттуу имараттын курулушу каралган. Курулуш жүрүп жаткан жер тилкеси 0,8 гектарды ээлейт. Бала бакчанын аймагында тогуз оюн аянтын уюштуруу жана бардык периметр боюнча 2,5 метр бийиктиктеги металл тосмону орнотуу пландалууда.
Биринчи кабатта алты топ үчүн уктоочу жана оюн бөлмөлөрү, ашкана, буфет, медициналык кабинет, санитардык түйүндөр, ошондой эле кызматкерлер үчүн жайлар жана чарба бөлмөлөрү жайгашат. Экинчи кабатта алты топ үчүн кошумча уктоочу жана оюн бөлмөлөрү, жетекчинин кабинети, ошондой эле музыкалык жана физкультуралык иш-чаралар үчүн залдар, складдык жана жардамчы жайлар болот.
Курулуш иштерин ОсОО «ПСО Адис Строй» подрядчысы жүргүзүүдө.
