Бишкек шаардык мэриясынын маалыматына ылайык, имарат үч кабаттуу жана подвалдуу болот. Жаңы билим берүү мекемесинин жалпы аянты 5199,19 чарчы метрди түзөт жана ал 560 окуучуну жайгаштыра алат.
Мектептин аймагында ар кандай ыңгайлуулуктар каралган: мини-футбол аянтчасы, баскетбол жана волейбол аянтчалары, машыгуу зонасы, оюн аянтчасы, ошондой эле асфальтбетон жана брусчатка менен капталган жолдор, канализация системасы жана өрт коопсуздугу үчүн өтмөктөр.
Учурда объектте ички жана тышкы жасалгалоо иштерин активдүү жүргүзүүдө, ошондой эле футбол жана баскетбол аянтчалары үчүн тосмолор орнотулууда.
Курулуш иштерин ОсОО «СК Лидер Хаус» компаниясы жүргүзүүдө.
