Министрликтин басма сөз кызматынын маалыматына ылайык, эски имараттын ордуна 750 окуучуга ылайыкталган жаңы мектеп курулат.
Проектти ишке ашыруу республикалык бюджеттен каржыланат. Жаңы билим берүү мекемесинин аянты 10 600 чарчы метрди түзөт. Проекттин алкагында беш блоктон турган имарат куруу пландалууда, алардын бийиктиги 3 жана 4 кабаттан турат.
Жаңы мектепте окуу класстары, китепкана, компьютердик кабинеттер, устаканалар, тамактануучу жай, акт залы жана спорттук комплекс болот.
Жалпы подрядчы катары Курулуш министрлигинин алдындагы мамлекеттик «Кыргызкурулуш» ишканасы чыгууда.
