4-мартта Сокулук районундагы Белогорка капчыгайында рейддик иш-чара пландалган. Бул тууралуу маалымат Табигый ресурстар, экология жана техникалык көзөмөл министрлигинен келип түштү.
Министрликтин маалыматына ылайык, түнкү 01:30 чамасында башталган рейд учурунда мыйзамсыз аңчылык менен алектенген жаран кармалган. Анын унаасын текшерүү учурунда тиешелүү уруксат документтери жок, ок атуучу курал табылган.
Натыйжада, КРнын укук бузуулар кодексинин 261-беренеси боюнча административдик протокол түзүлүп, бузуучуга 10 миң сом айыппул салынды.
