Келдибаев Куршаб участогунда Узген райондук электр тармактарынын аймагында бир кабаттуу имарат курулганын белгиледи. Бул үчүн айыл өкмөтү 720 квадрат метр жер тилкесин бөлүп берген. Курулуш Энергетика министрлигинин программасынын алкагында жүргүзүлдү. «Буга чейин кызматкерлер темир вагондо иштешкен, анткени алардын өзүнө таандык жайы жок болчу», — деп кошумчалады ал.
Мындан тышкары, ПЭС (электр тармактарынын ишканасы) толугу менен модернизацияланып, заманбап техникалык жабдуулар менен камсыздалды. Курулуш иштери 2025-жылдын 20-июнунда башталды.
Заказчы катары «НЭСК» акционердик коомунун, ал эми подрядчик катары ОсОО «Азия Вей» чыгышты. Тендердин жалпы суммасы 9 миллион 670 миң 34 сомду түздү.
