Кыргызстандын борбору Бишкекте 4-5-февралда B5+1 форуму өткөрүлөт. Бул тууралуу өлкөнүн Экономика жана соода министрлиги маалымат берди.
Министрликтин маалыматына ылайык, B5+1 форумы Борбордук Азия менен АКШны бириктирген C5+1 дипломатиялык форматынын алкагында иш алып барган маанилүү бизнес аянтча болуп саналат. Иш-чаранын уюштуруучулары Кыргызстандын министрлер кабинетинин жана Эл аралык жеке ишкердик борборунун (CIPE) өкүлдөрү.
Форумга Борбордук Азия менен Америка Кошмо Штаттарынын ортосундагы регионалдык диалогду бекемдөөгө кызыкдар бизнес өкүлдөрү, ассоциациялар жана эксперттер катышат деп күтүлүүдө.
