Жогорку Кенештин финансылар, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Джумабеков алтындын дүйнөлүк рыноктордогу бааларынын өзгөрүшүнүн Улуттук банктын ишине таасири тууралуу суроо көтөрдү.
Бул суроого НБКРдин орун басары Мелс Аттокуров жооп берип, алтындын дүйнөлүк бааларынын өзгөрүшү Улуттук банктын операцияларына таасир этпей турганын белгиледи.
«Биз өз механизмдерибизди колдонобуз, ошондуктан баалардын өзгөрүшү биздин ишибизге таасир этпейт», - деп баса белгиледи ал.
Ошондой эле депутат Умбеталы Кыдыралиев НБКРдин алтын сатуу боюнча кирешелери тууралуу кызыкты.
Аттокуровдун маалыматы боюнча, алтынды сатуу боюнча киреше жалпы көлөмдүн болжол менен 20%–25% түзөт.
«Алтын сатуу дүйнөлүк биржалардын фиксингине ылайык жүргүзүлөт», - деп кошумчалады ал.
