Жогорку Кенештин жыйынында өкмөт башчынын биринчи орун басары Данияр Амангельдиев тигүү тармагына байланыштуу көйгөйлөрдү чечүү боюнча маалымат берди.
Бизнес өкүлдөрү менен болгон жолугушууларда продукциянын сертификатташтырылышы сыяктуу маанилүү маселелер талкууланды.
«Биз НДС төлөөчүлөргө байланыштуу маселелерди талкууладык. ЕАЭБ Кеңешинин акыркы жыйынында бул маселе каралды, жана Кеңеш секретариатка тиешелүү чечимдерди иштеп чыгууга тапшырма берди. Өткөн жумада секретариат олуттуу көйгөй бар экенин тастыктады. Эми Казакстан жана Россия менен тоскоолдуктар жана түшүнбөстүктөр жоюлду деп ишенимдүү айтууга болот. Мындан тышкары, «Вайлдберриз» компаниясы НДС төлөөчү катары ийгиликтүү катталды», - деди ал.
