Жогорку Кеңеште депутат Махабат Мавлянова агротуризмди жана органикалык продукция өндүрүүнү өнүктүрүү боюнча сунушун билдирди. Анын пикири боюнча, бул багыт мамлекеттин жана айыл жерлериндеги тургундардын кирешелерин кыйла көбөйтүүгө мүмкүнчүлүк берет. Ал таза сууларды жана тоо ландшафттарын коргоо зарылдыгына басым жасады, анткени химиялык заттар менен табияттын булганышы жердин деградациясына алып келиши мүмкүн.
Мавлянова: «Биздин ата-бабаларыбыз кылымдар бою табиятка кам көрүшкөн. Биз келечек муундар үчүн таза жерлерди калтырышыбыз керек. Дүйнөдө органикалык продукцияга болгон суроо-талап өсүүдө, ал эми АКШда органикалык рынок 60 миллиард долларга жетет. Эгер биз сапаттуу органиканы өндүрө баштасак, бул айылдык аймактардагы адамдар үчүн жаңы мүмкүнчүлүктөрдү жаратат», - деп белгиледи.
Мындан тышкары, депутат жакын арада парламентте органикалык продукцияны өнүктүрүүгө багытталган мыйзам долбоору сунушталарын жана кесиптештерин бул демилгени колдоого чакырды.
