2025-жылы фермерлер жана дыйкан чарбалары үчүн 2 069 бирдик айыл чарба техникасы лизингге берилди, алардын баасы 7,2 миллиард сомду түздү. Премьер-министрдин орун басары жана суу ресурстары, айыл чарба жана кайра иштетүү өнөр жайы министри Эрлист Акунбеков бул тууралуу «Ынтымак Ордо» республикалык жыйынында билдирди. Анын айтымында, бул жыйынтык өткөн жылдын көрсөткүчтөрүнөн 2,6 миллиард сомго жана 876 техникага жогору. Салыштыруу үчүн, 2024-жылы 1 193 техника 4,6 миллиард сомго берилген.
Мындан тышкары, Акунбеков өлкөдөгү айыл чарба техникасынын жалпы саны 92 миң бирдикке жеткенин белгиледи.
