Бишкекте Инвестициялар боюнча улуттук агенттиктин жетекчисинин Coca-Cola Bishkek Bottlers заводунун өкүлдөрү менен жолугушуусу өттү. Агенттиктин билдирүүсүнө ылайык, ишкананын иши жана өлкөнүн экономикасын өнүктүрүүгө инвестиция тартуу мүмкүнчүлүктөрү боюнча маселелер талкууланды.
Мындан тышкары, компаниянын өкүлдөрү 1996-жылы негизделгенден бери өндүрүш кубаттуулугун өнүктүрүүгө, жумуш орундарын түзүүгө жана мамлекеттин бюджетине салык түшүүлөрүн көбөйтүүгө 113 миллион доллардан ашык инвестиция салганын белгилешти.
2026-жылы компания өз заводунун 30 жылдыгын белгилөөнү пландаштырууда.
Жолугушуунун жүрүшүндө өндүрүш кубаттуулугун кеңейтүү, жабдууларды модернизациялоо жана инфраструктураны өнүктүрүү боюнча пландарга көңүл бурулду.
Инвестициялар боюнча улуттук агенттик компаниянын инвестициялык долбоорлорун ишке ашыруу үчүн преференцияларды алуу боюнча жардам берүүгө даяр экенин билдирди.
Сабиров ири эл аралык жана жергиликтүү инвесторлор менен кызматташуунун маанилүүлүгүн, ошондой эле компаниянын Кыргызстанды социалдык-экономикалык өнүктүрүүгө кошкон салымын белгиледи.
