Жогорку Кенештин жыйынында президент Садыр Жапаров акыркы шайлоолордо шайлоочулардын активдүүлүгүнүн жетишсиздиги тууралуу маселе көтөрдү.
Анын айтымында, ачык процесс, электрондук добуш берүү жана алыстан катышуу мүмкүнчүлүктөрүнүн болушуна карабастан, шайлоочулардын активдүүлүгү төмөн деңгээлде калды.
«Бул шайлоого өткөн жолу менен салыштырганда 200 миң адам көп келди, бирок биз 70% катышууну күтүп жатканбыз. Тилекке каршы, булка жетише алган жокпуз», — деди Жапаров.
Ал ошондой эле төмөнкү катышуунун көйгөй жаратканын, себеби негизинен добуштарын сатууга даяр адамдар добуш берсе, көпчүлүк жарандардын четте калып жатканын белгиледи. Ошондуктан президент шайлоолорго милдеттүү катышууну киргизүүнү же тиешелүү мыйзамды иштеп чыгуу мүмкүнчүлүгүн карап чыгууга сунуш кылды.
Жапаров чет өлкөдөгү практикалардан мисал келтирди: Түркияда милдеттүү катышуу нормалары убакыттын өтүшү менен актуалдуулугун жоготту, ал эми Сингапурда алар азыркыга чейин иштейт — жарандар шайлоолорго катышууга милдеттүү, болбосо кийинки шайлоолордо добуш берүү укугунан ажырайт. Ал эл аралык ийгиликтүү тажрыйбаны эске алуунун жана кыргыз коомунун өзгөчөлүктөрүнө ылайыкташтыруунун маанилүүлүгүн баса белгиледи.
Сүрөт www
