Маалымат кызматынын маалыматына ылайык, мурунку бала бакчанын имараты канааттандырарлык эмес шартта болгондуктан, заманбап корпус куруу чечими кабыл алынган. Жаңы имараттын курулушу менен бирге эски имаратты жаңылоо иштери да жүргүзүлдү — фасад жана терезелер оңдолуп, балдар үчүн оюн аянтчалары жана отургучтар кошулду.
Ачылыш аземине Ош шаарынын мэри Женишбек Токторбаев, билим берүү министри Догдургүл Кендирбаева, ошондой эле жергиликтүү администрациянын өкүлдөрү, бала бакчанын кызматкерлери жана ата-энелер катышты.
