Тюп райондук билим берүү бөлүмүнүн маалыматына ылайык, учурда жабыркаган чатырдын бөлүгүн калыбына келтирүү иштери жүргүзүлүүдө.
«Мин-Булак айылындагы И. Касмалиев атындагы орто мектептин жаңы имаратынын чатыры 18-январь түнүндө күчтүү кар жаашынан жабыркаган. Документация толугу менен аяктагандыктан, Карасаев айыл өкмөтү объектти азырынча өз балансына албады. Учурда окуучулар эски мектепте билим алууну улантууда. Жаңы имаратты куруучу курулуш компаниялары калыбына келтирүү иштерин аяктап, чатырынын профнастилдерин толугу менен алмаштырат. Жабыркагандар жок», - деп билдиришти райондук билим берүү бөлүмүндө.
Мин-Булак айылындагы жаңы мектеп имараты 2025-жылдын 28-декабрында пайдаланууга берилгендиги белгиленди.
