Кыргызстанда мектептер арасында окуучуларды которуу үчүн электрондук системаны киргизүү мүмкүнчүлүгү талкууланууда. Бул тууралуу өкмөттүн жыйынында министрлер кабинетинин төрагасы Адылбек Касымалиев билдирди.
Касымалиевдин айтымында, учурда которуу процесси салттуу кагаз форматында жүргүзүлүүдө.
Ал электрондук системанын киргизилген убагынан бери мектептерге балдарды кабыл алуу маселесин кыйла азайтууга жетишилгенин белгиледи.
«Башка мектепке баласын которгусу келген ата-энелер жаңы система аркылуу арыз бере алышат. Ал реалдуу убакытта бош орундардын бар экенин көрсөтөт. Учурда которуулар кол менен жүргүзүлүүдө. Билим берүү министрлиги бул маселе боюнча көңүл бурушу керек. Ата-энелер балдары үчүн мектептерди тандай алышы маанилүү, ошондуктан орундарды бөлүштүрүүнү так эсепке алуу керек. Бул мектептерге жүктөмдү азайтууга жардам берет. Системаны алгач шаарларда тестирлөө сунушталат», - деп баса белгиледи ал.
