Ош шаардык ички иштер башкармалыгынан алынган маалыматка ылайык, судья 29 жаштагы Т.У.ны эки айга камакка алууну чечти.
Мурда маалымдалгандай, 24-январь күнү, саат 05:00 чамасында, Ош шаарындагы У.Салиева көчөсүндө жашаган 24 жаштагы Б.Г. күйөөсү тарабынан сабалган, натыйжада ал жаракат алып, ооруканга жаткырылган.
Полиция анын күйөөсүн кармап, ал кармалган учурда алкоголдук мас абалында болгон жана аны тергөө органдарына өткөрүп беришти.
Кээ бир маалымат каражаттары "күйөөсү аялын бычактап жаракаттады" деген жалган маалыматтарды таратты. Бирок, расмий маалыматтар боюнча, аялда бычактан жаракаттар болгон эмес.
Алдын ала тергөө аялдын күйөөсүнөн качып, кулап кетип жаракат алганын аныктады. Азыркы учурда ал оорукананын дарыгерлеринин көзөмөлүндө.
Медициналык адистер анын абалы канааттандырарлык деп бааланып жатканын билдиришти.
