Козубеков мамлекеттик таасир негизинен фискалдык жана монетардык саясат аркылуу жүргүзүлөрүн баса белгиледи.
Ал ошондой эле ушул инструменттердин концептуалдык жана структуралык чектөөлөрүнө көңүл бурду. Айрыкча, салыштырмалуу төмөн долларлашууга карабастан, өлкөдө чет элдик валюта активдүү колдонулууда.
«2025-жылы депозиттердин долларлашуу деңгээли болжол менен 34% түзөт, ал эми кредиттер 20%дан төмөн, бул 18% чамасында. Бул эң төмөн көрсөткүчтөрдүн бири», - деп тактады ал.
Улуттук банктын орун басары монетардык шарттар биринчи кезекте улуттук валютада жыйноолорго жана операцияларга таасир этерин, бул мамлекеттик жөнгө салуу мүмкүнчүлүктөрүн да кыйындатарын кошумчалады.
«Практикада, толук мамлекеттик жөнгө салуу эч кандай рыноктук экономикада мүмкүн эмес», - деп жыйынтыктады Козубеков.
Ошол эле учурда ал мамлекеттик экономикалык саясаттын натыйжалуулугунда оң өзгөрүүлөрдү белгиледи. Анын айтымында, бул Улуттук банктын акча-кредит саясатын жакшыртууда, негизги ставкалар жана монетардык жөнгө салуунун башка аспектилери боюнча чечимдерде көрүнөт.
