Жогорку Кенештин жыйынында депутат Дастан Джумабеков мигранттарга байланыштуу маанилүү теманы көтөрдү.
Ал Россияда иштеп жаткан жарандардан көптөгөн кайрылуулар келип жатканын билдирди.
«Мигранттар өз укуктарынын бузулушуна нааразычылык билдиришүүдө. Алар ар кандай кыйынчылыктарга туш болууда. Мындан тышкары, тигүүчүлөр Россия менен чек арада жүктөрдүн кечигиши боюнча нааразычылык билдиришүүдө, товарлар бажыдан өтпөй жатат. Жогорку Кенештин жаңы курамы Москвада Валентина Матвиенко жана Вячеслав Володин менен биргеликте расмий сапар уюштуруп, эки тараптуу жолугушууларды өткөрүп, биздин жарандардын көйгөйлөрүн чечиши керек», - деди ал.
Спикер Нурланбек Тургунбек уулу жооп берип жатып, Валентина Матвиенко, Федерация Кеңешинин төрайымы, жана Думанын төрагасы Вячеслав Володинден расмий сапар үчүн чакыруу алганын билдирди.
«Быйылкы жылдын март айынын үчүнчү декадасында биз сапарга чыгып, бул маселелерди талкуулайбыз», - деп кошумчалады ал.
