Консультациялардын жүрүшүндө эки тараптын консулдук кызматташтыгынын абалы жана келечеги жөнүндө кеңири маселелер талкууланды. Эки тарап өз ара аракеттешүүнү жакшыртуу жана 1963-жылдын 24-апрелиндеги Вена конвенциясына негизделген укуктук базаны кеңейтүү мүмкүнчүлүгү боюнча пикир алмашышты.
Жолугушуунун негизги темаларынын бири эки өлкөнүн жарандардын укуктарын жана кызыкчылыктарын коргоо, ошондой эле Кыргызстан жана Египет аймактарында алардын болушу үчүн ыңгайлуу шарттарды түзүү болду.
Жолугушуунун жыйынтыгында делегациялар өз ара кызыкчылык туудурган бардык маселелер боюнча активдүү кызматташууга даяр экендиктерин билдиришти.
